溫哥華釣魚篇（二）

上次我話溫哥華釣魚會釣到手軟係真架! 因為水深丫嘛! 我冇話一定有魚架

（ 嘿 ! 嘿 !嘿! ）

好! Ｅ家正經Ｄ話你知…..

石班必殺技….

有名你叫「石班」當然要去有石既地方搵啦。

五十呎水以下，手絲冇問題(十磅絲，乜都夠，不過吾夠過引)。

岸邊或近岸比較水淺，一百呎左右就最理想。單鉤加四至六oz.鉛，可保持手感，上落快捷。北美石班，乜叉都食，虫, 蝦, 魚, 連膠墨魚hoochy 都殺。最緊要係你知道佢地既習慣…..夠八卦!

深淺都一樣，要將你既bait一放到底，然後升起兩三呎，引下引下，引佢開口或搶食，一有bite, 就要等一等，等佢吞左至慢慢reel-in. …打電話叫老婆切定薑蔥都得啦!

用釣杆我喜歡十至十二呎Medium Action, 加Mooching Reel, 手感好， 我釣乜魚都係用佢架! （下面有相睇）

以前我用絲，最多用二十磅test. 以為好’feel’Ｄ。有一次同朋友（資深ＯＳＦ）

拖條船由溫哥華到Port Hardy. 當我正在準備’嫁生’時，OSF忽然問我:「你用二十磅絲，有大魚點辦？」…..MMMMmmm…. 壹言驚醒…係播…..好!馬上準備一個Mooching Wheel, 用一百磅test, 冇死啦呱! 嘿, 嘿, 果然利害!

Ling-Cod 殺手

第二日同OSF到海中心用條生石班仔（六兩）加雙大鉤，落到二佰二十呎左右，突然之間支杆頭好似跳舞一樣（大魚追緊石班仔）…然後忽向下直指…嘿, 嘿…..犀利啦 !….搞左足足十五分鐘先至見到條 LingCod 咬住一個鉤，小石班居然重係鉤左系第二個鉤上面，典典下。哦! 大網侍候，跟住立即二話不說（個陣好吾得閒），一手娜起bonker（大棍一支…船上必備）大力扑向佢兩眼之間將佢處死 ! *

*各位仁兄，出海艦釣記緊要必備:

(1) Heavy Duty Test Line, 重絲, 万一有大魚，吾使後悔。

(2) 大網乙個…如果冇佢，大魚上到船邊吾通你用手捉？

(3) Bonker乙大個。…你吾扑死佢，生鉤鉤放響船度, 實同你博命。五十磅丫，你夠佢打乜？個陣佢吾死你死, OK? 扑大力Ｄ呀, 記住 !!

跟住做乜野？梗系立即解鉤，再鉤住可憐小石班，又dum 落去啦 !

十分鐘後, 慘劇再發生。今次將佢老婆/公扑死（高興到分吾出）。前後搞左成粒鐘,

返到溫哥華碎屍万段， 周圍派比朋友都派左成日。

有圖為証之..血流成河…

http://www.ngp.net/port-hardy.htm

猜迷語 ! >> 我隻船叫乜名？<< Ｅ貓到 bun@ngp.net , 估中有獎!?

今次系講禁多，拜拜 !